Սեմինարներ և վորքշոփեր
Երևանի գեշտալտ ինստիտուտը քառամյա հիմնական ծրագրին զուգահեռ կազմակերպում է նաև գեշտալտ մոտեցմամբ սեմինարներ և վորքշոփեր ինչպես ինստիտուտի հիմնական, այնպես էլ հրավիրված թրեյներների հետ։
Սեմինարները, վորքշոփերը նախատեսված են ինչպես գեշտալտ թերապևտների և գեշտալտ ուսանողների, այնպես էլ այլ մոդալությամբ աշխատող հոգեթերապևտների համար։
Այս հանդիպումները հնարավորություն են տալիս ձեռք բերել տեսական և փորձարարական գիտելիք ու հմտություններ, փորձարկել նոր մոտեցումներ։
Նախկին և գալիք սեմինարներ
1․Աշխատանք երազների հետ գեշտալտ մոտեցմամբ
Փորձառական ուսումնասիրություն՝ երազների հետ աշխատանքը որպես կենդանի փորձառություն ներկայում։ Մասնակիցները սովորում են մոտենալ երազներին ոչ թե որպես մեկնաբանության ենթակա խորհրդանիշների, այլ որպես գիտակցվածության, մարմնավոր փորձառության և անավարտ գեշտալտերի դռներ։
Թրեյներ՝ Մարինա Սերոբյան
2․Հոգեթերապևտի ինտուիցիան․էսթետիկ ռելյացիոն գիտելիք
Սեմինար՝ նվիրված ինտուիցիայի էսթետիկ և հարաբերութենային չափումներին հոգեթերապիայում։ Տեսության և փորձի համադրությամբ մասն ակիցները ուսումնասիրում են, թե ինչպես թերապևտի մարմնավոր էմպատիան և ռեզոնանսը կարող են ուղղորդել նրա ներկայությունն ու զգայունությունը համաստեղծ դաշտում։
Թրեյներ՝ Մարգերիտա Սպանեոլլո Լոբբ
3․Ծաղրածուի մետաֆորը հոգեթերապիայում․կարմիր քթի ուժը(փորձառական վորքշոփ)
Ուրախ և խորը մարդկային վորքշոփ, որտեղ հանդիպում են հումորը, խոցելիությունը և ստեղծարարությունը։ Մասնակիցները հրավիրվում են բացահայտել իրենց «ներսի ծաղրածուի» բուժական ներուժը և խաղային վերաբերմունքի իմաստությունը թերապիայում։
Թրեյներներ՝ Ֆրանս Մեուլմեեսթեր, Մարինա Սերոբյան
4․ Դեպրեսիայի/դեպրեսիվ փորձառության հետ գեշտալտ թերապիայի առանձնահատկությունները
Վորքշոփ՝ նվիրված դեպրեսիվ փորձառության ֆենոմենոլոգիային և դրա հարաբերութենային դինամիկային։ Մասնակիցները սովորում են հանդիպել դեպրեսիային ոչ որպես պաթոլոգիայի, այլ որպես մարդկային տառապանքի դրսևորման ձևի։
Թրեյներ՝ Մարինա Սերոբյան
5․ Նարցիսիստիկ փորձառությունների հետ աշխատանքը գեշտալտ թերապիայում
Խորացված ուսումնասիրություն՝ նարցիսիզմի ընկալման վերաբերյալ գեշտալտի հարաբերութենային պարադիգմում։ Վորքշոփը բացահայտում է նարցիսիստիկ փորձառության խոցելի հիմքերը և առաջարկում ստեղծարար ուղիներ՝ վերականգնելու կոնտակտը և կենսունակությունը։
Trainer: Giovanni Turra
6․ Հոգեթերապևտի անօգնականությունը
Արժեքավոր սեմինար՝ նվիրված հոգեթերապիայի ամենազգայուն և հաճախ խուսափվող թեմաներից մեկին։ Մասնակիցները խորհում են թերապևտիկ փակուղիների պահերի շուրջ՝ ուսումնասիրելով անօգնականությունը որպես իմաստալից ֆենոմեն թերապևտի և այցելուի համատեղ դաշտում։
Թրեյներ՝ Յան Ռուբալ